Нийгэм

Н.ЛҮНДЭНДОРЖ ДАРГА ГАВЬЯАНЫХАА АМРАЛТАД ГАРЛАА

Шүүхийн ерөнхий зөвлөлийн дарга, Шинжлэх ухааны гавьяат зүтгэлтэн, хууль зүйн шинжлэх ухааны доктор, профессор Н.Лүндэндоржийн бүрэн эрхийн хугацаа дуусгавар болж,  гавьяаныхаа амралтад гарчээ.

Тэгвэл бүрэн эрхийн хугацаа дуусгавар болсон  Н.Лүндэндоржийн багийн оронд томилогдох дарга нарын марафон удахгүй өрнөнө. Тодруулбал, 400 гаруй шүүгчээс сонгон шалгаруулах юм байна. Өөрөөр хэлбэл, дараачийн зөвлөлийг бүрдүүлэх шаардлага үүсч байна гэсэн үг юм.

Шүүхийн захиргааны тухай хуулийн 13.1.-т “Ерөнхий зөвлөл нь дарга, дөрвөн гишүүнээс бүрдэх бөгөөд Ерөнхий зөвлөлийн бүрэлдэхүүнийг анхан шатны шүүхийн шүүгчдийн болон давж заалдах, хяналтын шатны шүүхийн шүүгчдийн зөвлөгөөнөөс тус бүр нэг, Хуульчдын холбооноос нэг, хууль зүйн асуудал эрхэлсэн төрийн захиргааны төв байгууллагаас нэг хүний нэрийг тус тус санал болгосноор Монгол Улсын Ерөнхийлөгч томилно”  гэж заасан байдаг билээ.

Н.Лүндэндоржийн баг нь Шүүхийн захиргааны  тухай хуулийн дагуу томилогдсон хоёр дахь удаагийн томилгоо байсан. Тодруулбал, Шүүхийн ерөнхий зөвлөлийн гишүүн нь гурван жил бүрэн эрхээ хэрэгжүүлэх бөгөөд нэг удаа  улиран сонгогдож болдог албан тушаал юм. Тиймээс Н.Лүндэндорж даргын хувьд нэг удаа улиран сонгогдсон байсан.

Санал болох мэдээ